呢個week發生o既事....唔係話好特別, 就好似以前一樣...只可以收埋...得閒開心一下....不過而家o既心態始終唔同左o既, 有d保留!冇計~

2008年10月14號(星期二)

今晚約左ww去睇場, 我地約左係cwb等, 去睇左2間場, 2間個收費都唔係好貴...不過第2間個環境靚好多, 唯一驚o既係唔夠多人撐場, 因為個場都幾大下....唔多人唔係好好睇....
o個度都有好多設施玩, 例如唱k喇, wii喇, bbq喇, 大o既電視喇~~~有室外又有室內!!!好靚架~玩足4個鐘仲包埋野食bbq!!!不過如果來賓想要飲酒o個d....抱歉喇...o個到冇架, 下場先飲都得喇!!!我絕對奉陪o既!!一年一次嘛....
睇完場, 同ww去左金雀到鋸扒, 好好味, 我地一路食一路計搬出黎住o既budget!原來都唔係太貴咋喎!!!!
食完飯我地就各自己歸喇, 我去左回憶o個到~

2008年10月15號(星期三)

去左行街, 買左2年靚衫!

2008年10月16號(星期四)

今朝返到公司要開會~well, 開一個比人插到死o既會!!!!
個新o既阿姐話要cut晒我地o既上網, only留返佢自己同埋o個個扮阿姐...哼!咩意思先???仲有呀, 而家又唔比係個位到食飯~算點呢?之前唔比我地一齊出去食飯, 算喇...我地咪帶飯返去一齊食囉, 而家又話唔比我地係位到食, 一定要落canteen食!!!!算點先?????趕盡殺絕姐!!!唉~~~咁返工仲有咩意義呀???好唔開心囉!!!黑人憎, 根本就係針住我地3個o既!!!玩野姐!今日做左冇表情人, 木口木面!!!!呆頭呆腦!!!
今晚約左人食飯, 本來講好左食餐好d o既, 但因為我放工放得晏....人要等太耐...so都係去左不遠o既地方食就算數喇....well~~~都唔緊要喇, 食餐飯姐, 呢d野好死架姐!不過係諗緊食乜o既時候, 人又話要唔咁晏返屋企....find!!!又話下個week先搵日食過餐好o既....好!!!聽住先喇~~~想約我多晚咪出聲囉, 咁多借口o既~~~呵呵
咁最終求其食左餐飯就算喇.....今晚都係沉醉左係回憶o個到~

2008年10月17(星期五)

今日返工係咁陰人地講野, 關於琴日件事, 大家實在太唔開心喇!!!咁大家攤開晒黎傾過, 好似好左少少咁囉....但與此同時, 亦都比我地睇出左多左好多鬼囉!!!!+
唔理!!講放工, 今晚同kb, ww, an, ff, kat, naomi同埋我去左紅磡海逸book左間房玩返晚, 我同ww去左jusco買野食, 有sushi, 菜, 熱氣野, 飲品同埋雪糕, naomi同kat就去買蛋糕同整場地, ff同kb就晏d先上到黎!
o個到個view都好靚架~又有個廚房, 又有個大toilet大床大廳~~~各樣那樣!!咁我地都等到成9點幾先食野, 食完野就hea陣吹陣水, 跟住我就唔知發生左d咩事喇....因為我訓著左.....到到2點幾, 我醒左, 出去食蛋糕!好好味呀!!!之後我又唔知發生左d咩事喇...因為我都係忍唔住訓著左o既...

2008年10月18日(星期六)

到左第2朝, 我地起身食左雪糕同埋零食!!正, 之後又hea下睇下電視, 2點先check out!!!仲去黃埔到食左個late lunch先散band!
返到屋企, 仲有幾個鐘就要出門口~去邊呢!!!因為pk先生黎緊o個個week生日, 咁佢都只可以呢晚出黎同我地聚一聚架姐~~我地去左深水埗食dinner, 之後去左tst飲野~嘩!!!!好耐冇去過飲野喇~~耐唔使一次都幾好玩喎!
最終成3點幾先返屋企, 同大ling個boy friend阿v lo一齊搭的返屋企, 4點訓左lu~~~

2008年10月19(星期日)

今日文仔未夠12點就打黎搵我去飲茶, 但....唔好意思呀!我約左大大睇3點幾o既戲, 去唔到lu~~~下次喇!
我2點3就出左門口lu~ 因為約左大大3點3係奧海城到等, 我地去睇3點9 o既畫皮, 又幾好睇喎!!!睇完就去返mk食dinner, 去左一間野到食西餐, 都幾好味!食完就行左陣, 陪大大去左實惠到買衣架, 之後就散bank喇~~~

唔知點解今日好攰~可能係因為琴晚太夜訓掛, 可能係因為今朝早左起身掛, 可能係因為呢排都唔夠訓掛...呢個week我晚晚都2點先訓咁制....好似唔係好夠訓咁喎.....

又係時候一week一report o既時候喇!今個week過得ok充實喇....ok only架咋....

10月7號(星期二)

今日係公眾假期, 我晨早10點幾就要出門口喇, 因為要去一年2度o既拜山活動, 一朝早, 姐夫就同埋家姐一齊黎車我地去薄扶林o個頭, 去到拜完山都成12點lu!跟住就去將軍澳同嫲嫲飲茶, 飲完茶, 大概3點到喇, 各自散水, 而我就跟埋家姐姐夫返佢地屋企喇!去到佢地屋企之後, 我同家姐睇電視-->訓左個晏覺-->姐夫出去買dinner返黎(我食左罐頭沙律做dinner)-->之後就係家姐屋企過夜!你知喇...係將軍澳返工近好多架嘛...咁見呢日點都要去將軍澳一趟架喇, 不如去埋家姐到過夜, 第2日返工近d喇!

10月8號(星期三)

今日突然間好想R街去....咁就全日都係msn到搵晒d fd睇下有冇人得閒去下街咁喇, 最終!!!約到好耐冇見o既文仔一齊dinner!!!好野!我地去左甜心到食, 仲傾左好耐添, 傾到成10:30先走人, 返到屋企又訓得!!!好開心!!今晚同佢傾o既野令到我想improve返我o既英文同埋突然諗起原來我想學多d關於excel o既野架, 一直都唔記得左添(可能我係記得o既...不過係我的唔起心肝去倣姐...)....對於佢, 我以前o既經驗都比到少少advise佢o既, 希望幫到佢喇!有咩即管出聲問喇!我無任歡迎架!

10月9號(星期四)

今晚約左ff食飯!(其實係琴晚約佢架...不過佢琴晚唔得閒....)好喇!咁我一放左工就立刻衝去mk喇, 因為上次ff話我知佢係mk食左一個好好味o既薄餅...咁講到我都好想試喎, 就約左今日去試下喇!!!但係我地去到mk o個陣, 唉~~間野已經收左囉...咁臨時臨急我地又諗唔到食咩dinner喎...咪去左掃街算囉....食左牛肚喇, 砵仔糕喇, 同埋雞蛋仔!!正!仲買左支價值2蚊但又有成750ml o既水添呀!!!!勁抵!
食完野, 我地就全力去搵林之樂o既生日禮物喇!!我地買左一個snoopy 09年o既月曆, lego型o既改錯帶, 西瓜型o既散子包同埋一個好真o既麵包型mouse手墊!講開呢個手墊, 我自己都買多左個, 諗住聽日拎返去整蠱同事....呵呵

10月10號(星期五)

今日一返到公司就梗係立刻拎琴晚買o個個假包整蠱同事喇, 又有好幾個比個我呃左喎, 仲有個同事真係咬左落去添呀!!!(好冇味呢?)
好喇, 講完整蠱, 就講下我今晚去左邊喇, 我去左mk(又係mk, 好日唔去, 一去去左2日....)同crownwick d舊同事dinner!我地去左意粉屋食!好味!仲有呀!!!william返左黎香港呀!!!!derek都返埋黎喇, 我地諗住咁耐冇見, 11月頭搵日得閒出黎飲下野喇!!!真係好耐冇見喇....之前同佢地熟o個排....我都幾lucky~希望今次都會一樣咁lucky喇!!god bless me呀唔該!

10月11號(星期六)

今日晨雞咁早, 7:51分就已經收到PK個msg...問我今日有冇興趣去食個late lunch同埋睇戲, 我最終成10點先訓醒覆返佢"梗係有興趣喇!!!"(橫豎我今日都冇節目...)好!咁等到佢出察o既時候已經係成下晝3點lu~~咁就出去mk(冇錯!!!又係mk喇, 我一係唔出, 一出就連續3日都出去mk!!!唉~~~)) join佢地喇(佢地包括有PK, 大ling同埋姓盧o個個), 我地去左睇4:50分o既叛諜同謀(但我一d野都未落過肚囉...咁PK話late lunch架嘛....都冇o既...呃人...餓死人喇!好彩, 睇戲o個陣買左爆谷食姐!!!), 套戲都ok喎!唔錯丫, 但好好睇又唔講得上!睇完之後, 我地陪PK先生去配左眼鏡, 間野係雅蘭o既上樓舖, 好平!!!配完之後就去左sushi one到食dinner, 好好味, 每人食左百零蚊咁上下喇! 我地食完都差唔多9點喇, 見到出面好多人排唔知幾點後有得半價o個輪, 不過真係好抵o既(你諗下, 我地食左百幾蚊都咁鬼飽, 如果半價即係50幾蚊咋喎!!!!抵到爛呀真係!!!不過個代價就係要等好耐囉...)....食完野去行左陣就返歸囉~~

10月12號(星期日)

今朝....未夠10點就要起身喇...因為11點要去到赤柱囉!之唔係為左阿林之樂大小姐o既生日囉!!!我地約左入去蒲苔島, 所以要搭上晝最晏o個班船(即係11:30am), 入到去都成12點架喇, 我地坐低食d野(我地6個人食左一鍋地道紫菜湯, 一碟油菜, 2碟炒麵, 一碟炒河同埋一碟炒飯...結果係食唔晒o既!)就開始去行山喇! 但我地行左條難行o既路囉(咁人地明明有一條又有石屎又易行o既路架嘛...偏偏就揀左條鬼死咁難行o既路黎行...唉~)....行完之後(仲要係我地都已經滿身傷痕喇!!!)我地又返返去碼頭附近食糖水, o個間舖係我個ex o既ex(其實都已經係左我個fd黎喇!)o既嫲嫲開架!同人地嫲嫲傾左陣, 人地嫲嫲仲請我地食多碗糖水添呀!!!食完, 我地就搭左4:30pm o既船出返去赤柱喇~
去到赤柱, 行左陣個market, 就去搵野食喇, 我地最終係去左pizza express到食(個風景好靚好舒服架真係!!!有機會我都想去多D!), 食完仲去左一個環境清靜o既地方切左個haagen dazs o既生日蛋糕!!!!wow!!!好好味, 食完我地就走人lu~~

其實行山呢家野, 我以前都有行過o既, 點解以前會唔怕難行, 今日會覺得難行o既呢??因為比蚊咬??因為比樹整親??定係因為咩事呢??以前又唔見我怕崎嶇而唔行o個d山路架喎??點解今日會怕o既呢?因為人大左??因為今日著左短褲??定係因為咩事呢?其實人越大係咪越多野會怕o既呢??定係經歷得越多越怕死呢??
另外, 一傾之下, 發覺自己以前成日都無參與到大家o既活動!!尤其係遠征o個d....都唔知點解我o個時唔去呢...不過唔緊要喇, 我諗我第時唔會唔去lu....冇咁多野困身free好多....大家唔好誤會喎!!!!困身o既野係指自己o既思想姐!咁當我放開自己~就有更多新挑戰呀選擇呀刺激呀回憶呀經驗呀經歷呀各樣那樣係我人生裡面出現架喇, 咁我張圖畫就會變得更加充實更加靚同埋更加colorful喇!yeah!